Gipuzkoako EHAEOk Donostiako Udaleko ordezkari politikoak mahai-inguru batean elkartuko ditu hiriaren eta Gipuzkoaren etorkizunaz hausnartzeko eta eztabaidatzeko
2025ko martxoaren 31
Euskal Herriko Arkitektoen Elkargo Ofizialaren (EHAEO) Gipuzkoako ordezkaritzako Kultura batzordeak mahai-ingurua egingo du apirilaren 3an, osteguna, 18:00etan, UPV/EHUko Arkitektura Eskolako Paraninfoan, Hiri Eredua: Donostia-Gipuzkoa 2035 izenburupean. Topaketa Ander Gortazar arkitektoak moderatuko du, eta Donostiako Udalean ordezkaritza duten alderdi politikoetako ordezkariek parte hartuko dute: Nekane Arzallus (EAJ/PNV), Juan Marrero (PSE), Juan Karlos Izagirre (EH Bildu), Borja Corominas (PP) eta Víctor Lasa (Elkarrekin). Parte-hartzea doakoa izango da, baina ezinbestekoa izango da aldez aurretik izena ematea Gipuzkoako EHAEOren webgunean. Ekitaldiak aldibereko itzulpen zerbitzua eskainiko du, eztabaidaren jarraipena errazteko. Ekimen honek Gipuzkoako Foru Aldundiko Mugikortasuneko, Turismoko eta Lurralde Antolaketako departamentuaren eta EHUko Arkitektura Eskolaren laguntza jaso du.
