Gipuzkoako EHAEOk ateak ireki ditu berriro
2020ko ekainaren 24
Alarma egoeraren amaiera eta normaltasun berriaren etorrerarekin, EHAEOren Gipuzkoako ordezkaritzak ateak ireki ditu eta martxan jarri ditu zerbitzuak ohiko ordutegian: astelehenetik ostiralera, 9;00etatik 14:00etara.Salbuespen bakarra liburutegian emango da, non zerbitzu batzuk berregituratu diren:
- Mailegu zerbitzua egongo da, baina nahi diren liburuak aurretik enkargatu beharko dira telefonoz edota posta elektroniko bidez. Horretarako, Liburutegiko katalogoa kontsultatu daiteke.
- Bueltan ekartzen diren liburuak, kaxa batean utziko dira koarentean.
- Liburutegian ezingo da lana egin ezta aldizkariak kontsultatu. Horregatik, egoera honek irauten duen bitartean aldizkariak maileguan eramateko aukera egongo da.
- Liburutegien arteko mailegua eten egingo da egoera honek irauten duen bitartean.
Bestalde, eta agintari eskudunei jarraiki, Covid-19aren prebentziorako eta segurtasun neurri gisa, maskararekin etorri beharko da ordezkaritzara eta pertsonen arteko distantzia 1,5 metrokoa izango da, ahal den neurrian.
