Euskal Herriko Arkitektoen Elkargo Ofizialak bat egin du Eusko Jaurlaritzari zuzendutako 'Birgaitze Proposamenarekin'
2023ko uztailaren 10
Euskal Herriko Arkitektoen Elkargo Ofizialak, beste 12 erakunderekin batera, bat egin du Eusko Jaurlaritzari zuzendutako 'Birgaitze Proposamena'-rekin. Gaurko agerraldian, birgaitze energetiko-proiektuetarako Next Generation Funtsetatik datozen laguntza-programa handitzeko eskatu zen, bete gabe geratu den eskaerari erantzun ahal izateko.
Hori horrela hau proposatzen da:
1.- Eusko Jaurlaritzaren aurrekontuetan kontu-sail ekonomiko bat sortzea: baliabide ekonomiko publiko horiek oso itzulketa garrantzitsuak sortuko dituzte diru-kutxa publikoetara, bizitegi-eraikinak birgaitzeko proiektuak gauzatzearen ondorioz.
2- Euskadik jaso duen Next Generation funtsen banaketa birformulatzeko aukera aztertzea: EAEk 1.657 milioi euro jaso ditu. Horietatik 130 milioi Birgaitze Energetikorako proiektuei ematea erabaki zen. Horrek esan nahi du Euskadik jaso dituen Next Generation funtsen %7 direla.
