Amaia Mateos eta Tomás Villanueva arkitektoek Madrilgo Pico del Pañuelo kolonian egindako lanaren memoria prest dago jada
2015ko abuztuaren 20
Amaia Mateos eta Tomás Villanueva arkitektoak udara hasieran Madrilgo Pico del Pañuelo kolonian egin zuten egonaldia, koloniak berak eta Euskal Herriko Arkitektoen Elkargo Ofizialeko Gipuzkoako ordezkaritzak emandako beka bati esker. Egonaldi horretan koloniako etxebizitzen egiturazko analisi bat egin zuten. Egonaldi hartako memoria bat egin dute jada non XX. mende hasieran eraikitako etxebizitza haien eraikuntza, konposizioa eta patologiak jasotzen diren. Memoria osoa, ikusgai dago Pico del Pañueloren webgunean.
