Berriak - 2010ko ekainaren 15an, asteartea - 0 Iruzkinak
2006 urtean, Jose Manuel Aizpurua donostiar arkitekto ospetsuaren heriotzaren 70. urtemuga betetzean, besteak beste Donostiako Klub Nautikoaren egilea, Euskal Herriko Arkitektoen Elkargo Ofizialaren (EHAEO) Gipuzkoako Ordezkaritzak “Aizpurua Marrazki eta Pintura Lehiaketa” ren lehen edizioa antolatu zuen, urtero errepikatzeko asmoarekin.Lehiaketaren helburua Gipuzkoako ikasleen artean gure inguruko arkitekturaren ezaguera zabaltzea da.
Deialdia arrakasta irabazten joan da aurten 9 ikastetxe ezberdineko 252 ikasle parte hartu dutelarik; Donostia, Legazpi, Bergara, Azpeiti, Zarautz, Urnieta eta Eskoriatzakoak hain zuzen ere. Sariak, Ekainaren 17an banatuko dira, arratsaldeko 18:30ean E.H.A.E.O.eko Gipuzkoako Ordezkaritzan.Lehen saria “Eurodisneyra”ra bidaia izaten da, irabazlearentzat eta bere gurasoentzat. Bestalde, 6 accesit ere emango dira ekitaldian.
Aurtengo irabazlea Azpeitiko Karmelo Etxegarai Ikastetxeko JULEN ARRATIBEL ETXABE ikaslea izan da. Beste sariak, Donostiako Katalin Erauso Ikastetxeko LEIRE AGUIRRE PEÑA, Eskoriatzako Arizmendi Ikastolako TXOMIN AIASTUI ZUBIZARRETA, Zarauzko Antoniano Ikastetxeko ARITZ ARANGUREN SANTAMARIA, Bergarako Aranzadi Ikastolako OIER AREVALILLO LABAIEN, Donostiako Ntra. Sra. de Aranzazu – Jesuitinetako ENEKO CALLEJAS GIL eta Donostiako Belen Ikastetxeko JOSU MACIAS PIZARRO ikasleentzat izan dira.
Marrazki guztiak ikusgai egongo dira Ekainak 25arte E.H.A.E.O.eko Gipuzkoako Ordezkaritzan. Lehiaketa honetan Lehen Hezkuntzako hirugarren mailan matrikulaturiko haurrek hartu dute parte. Lehiaketaren helburua gure ikasleak bertako eta inguruko arketektura mundura gerturatzea da. Ikastetxe bakoitzak bertako eraikin esanguratsu bat hautatzen du eta eskolako irteera antolatzen du ikasleek bertan marraztu dezaten. Adin horietan haurrek irudimenaz marrazten dute. Lehiaketaren asmoa da une batez eraikina eta bere ezaugarriak azter ditzaten, hola nola, fatxada, leihoak, etab., eta paperera gauzatu ditzaten jasotako irudiak. Arkitektura ikasteko beti izan da sistemarik hoberena eraikina edo eremu publikoa marraztea.
Berriak - 2010ko ekainaren 08an, asteartea - 0 Iruzkinak
Pasa den osteguna, ekainak 03an, Donostiako arkitekto elkargoan ospatu zen Pecha Kucha Night formatoko 2º alea. Gonbidatu bezala maushaus, M-etxea, Dani Lasa, Manu Muniategiandikoetxea, GAZ arkitektoak eta Jabier Lekuona izan genituen. Hauek dira bertan grabatutako bideoak.
Berriak - 2010ko maiatzaren 31an, astelehena - 0 Iruzkinak
Badator Donostiako Pecha Kucha gauaren 2º alea.
Berriz ere Gipuzkoako arkitektoen elkargoko aretoan izango da hurrengo osteguna ekainak 03 arratsaldeko 19:30tan. Hizlariak hauek izango dira:
Maushaus (pequeñas arquitecturas)
M-etxea (arkitektura kolektiboak)
Dani Lasa (i+d Mugaritz)
Manu Muniategiandikoetxea (eskultura)
Gaz Arkitektoak (arkitektura)
Jabier Lekuona (metak)
Aurki PKN-Donostia webgunean hizlarien ereferentziak publikatuko dira.
Berriak - 2010ko maiatzaren 05an, asteazkena - 0 Iruzkinak
Honen bitartez, Euskal Herriko Arkitektoen Elkargo Ofizialak 2010eko Maiatzaren 13an, osteguna, 19:00 etan egingo duen erakusketaren inauguraziora gonbidatu nahi zaitu. Erakusketaren izena «1925 ETA 1965 ARTEKO EAE-ko ETA NAFARROAKO EKIPAMENDUEN ERREGISTROA» da eta DOCOMOMO IBÉRICO fundazioarentzat eginiko lana izan da. Erakusketa ikusgai egongo da 2010eko Maiatzaren 13tik ekainaren 10ra arte Gipuzkoako ordezkaritzaren erakusketa aretoan, Donostian.
Erakusketa hau, EHAEO Dekanoak FYM Taldearekin sinaturiko hitzarmenen bidez finatzatu izan da, arquitektoen multzoa eta empresa harreman zuzenak bultzatzeko helburua duen “Polaris” izeneko programa barruan.
Memoria laburpena deskargatu pdf-an
Berriak - 2009ko azaroaren 20an, ostirala - 0 Iruzkinak
Datorren ostegunean, azaroaren 26an, Donostiako Arkitektura Eskolak, Euskal Herriko Arkitektoen Elkargo Ofizialarekin batera, omenaldia egingo dio bere fundatzaileari, orain gutxi hil baitzen, apirilaren 2an. Omenaldiak hiru helburu izango ditu:
.- Arkitekturaren alderdi profesionala eta akademikoa ordezkatzen dituzten erakundeek Luis Peñak eremu horietan egindako ekarpena publikoki aitortzea.
.- Urte haietan haren inguruan izan ziren pertsonak bil daitezen sustatzea.
.- Haren ondarearen balioa belaunaldi berriei ezagutaraztea.
Era askotako ekitaldiak antolatu dituzte jardunaldi monografikorako:
.- Mahai-inguru programa DAGETeko paraninfoan. Ikasleek, ikasle ohiek eta kolaboratzaileek hartuko dute parte.
.- Vista Alegre dorrearen maketaren aurkezpena. 30 ikasle boluntariok eraiki zuten 1/5 eskalan (6,7 m-ko garaiera) DAGETeko liburutegian, urriaren 16tik 18ra.
.- Luis Peña Gancheguiren lanari buruzko atzera begirako erakusketaren inaugurazioa. 2001eko abenduan Rezola Museoan egindako erakusketa antolatuko dute berriz, eta DAGETeko Erakusketa Gelan jarriko dute. Bideo emanaldi bat ere izango da.
Helburua Luis Peñaren ibilbide profesionalaren aldi nagusiak hurrenkera kronologikoan ezagutaraztea da, eta horretarako, aldi bakoitzeko lekukoak izango ditugu, hiru saiotan banatuak. Saio bakoitzean DAGETen ikasi eta Luis Peñaren estudioan lan egin duen arkitekto bat izango da moderatzailea
Berriak - 2009ko ekainaren 29an, astelehena - 0 Iruzkinak
HIGER - Begiristain & Andonegi Arkitektura Bulegoa
Arkitektoak: Iñaki Begiristain Mitxelena eta Ane Andonegi Santamaria
Jaizkibel mendiaren magalean kokaturik dagoen sendibakarreko etxebizitza, iparraldean Kantauri itsasoaren ikuspegi zabala du.
Zinkezko estalki zabal baten azpian babesturik, eraikina lurrari lotua azaltzen da, programaren gune nagusiak solairu bakarren banatuz.
Etxebizitzatik ikuspegia, orientazioa eta haizearen norantza nagusia, eraikinaren formarentzat erabakiorrak izan dira. Alde batetik, iparreko itsaseko ikuspegi ederrera begira kokatu dira etxebizitzako gune nagusiak, eta bestalde eraikina hegoaldera zabaltzen da, iparmendebaldeko haizetik babesten diren egoteko kanpo guneak sortuz.
Orubean etxebizitza albo batetan kokatzen da, igerilekua, baratza eta belardi zabalari lekua eginez.
Berriak - 2008ko irailaren 02an, asteartea - 0 Iruzkinak
FAMILIA BAKARREKO ETXEBIZITZA BAT PARISEN 2005/2007 - HTC arquitectos
Karrikatik ikustezina, zurezko ate haundi bat iriki, ataripea pasa eta kontextutik kanpo aurkitzen du batek bere burua. Jabekideen kale barruan, patio luzengaren alde batean etxebizitzak daude behe eta lehengo solairuan, beste aldera planta bakarreko tailerrak. Galtzada-harriak zoruan, landareak, erropa balkoietan zintzilikatua, oholak, hormigoizko blokeak eta landareak berriro ere. Enkarguaren betekizunak: aurrekontu hestua, espazio beharra eta argitasun grina.
Berriak - 2008ko uztailaren 10an, osteguna - 0 Iruzkinak
ZUBIMUSU ETXEA - TOKI
Zubimusu etxebizitza kolektiboak 9 etxebizitza, 14 garaje plaza eta 9 trasteleku antolatzen ditu, hala nola erkidegoaren lorategia eta berorren urbanizazioa. Kanpo espazioa den galeria amankomun batek oinplanta guztiak, behe oinplantatik bigarrenera, komunikatzen ditu. Honela, etxebizitza guztien sarrerak galeriatik suertatzen dira. Igogailua eraikinetik banaturiko elementu bat da, eta eskilara erdisoto oinplantatik hasi bigarrenera zuzentzen da, galeria amankomunaren oinplanta guztiek eskilara honen bitartez konexioa dutelarik. Eraikinaren diseinua espazio amankomunei utzitako azalerek proiektua bereiztu dute eta oinarri horren gidaritzapean proiektua sortu da. Espazio hauen erabilera eta gozamena izan da eraikinaren aposturik handiena izan da, "ETXEBIZITZA KOLEKTIBOA" ulertzeko bide berri bati ateak zabalduz.
