Gipuzkoar arkitektoak
Euskal Herriko Arkitektoen Elkargoa Gipuzkoan

Azken berriak


Gabonetarako proposamenak etxeko "gazteentzat" sari interesgarriekin eta guztientzako opariekin

Berriak - 2022ko azaroaren 25an, ostirala - 0 Iruzkinak

Gabon garaia gertu dago, eta jada klasiko batean bihurtu diren etxeko gazteenentzako bi proposamenekin gatozkizue oraingo honetan:

  • Gabonetako ZUHAITZAren apaingarrietan parte-hartzea
  • Gabonetako postalen LEHIAKETA

Sariak eta opariak egongo dira guztientzat!
Adi irakurri proposamen bakoitzaren xehetasunak!


 

APAINDU DEZAGUN GABONETAKO ZUHAITZA ELKARREKIN!

Etxean egindako eskulanekin apainduko dugu sarreran egongo den zuhaitza. Hori horrela, 0-15 urte bitartekoek egindako apaingarri baten truke,  opari polit bat emango diegu. 



2022ko abenduaren 30a arte jasoko ditugu apaingarriak, eta jasotzen ditugun heinean, sare sozialetan erakutsiko dugu zuhaitza hartzen ari den itxura. 


OHARRA: Pertsona bakoitzeko gehienez opari bat emango da, nahiz eta apaingarri bat baino gehiago egin.


PARTE HARTU POSTALEN LEHIAKETAN!
0 eta 15 urte bitarteko haur eta gazteek parte ahal izango dute honako kategoriatan banatuta:
  • A kategoria: 2015ean edo ondoren jaiotakoak
  • B kategoria: 2014 eta 2011 urteen artean jaiotakoak
  • C kategoria: 2010 eta 2007 urteen artean jaiotakoak
- Marrazkiek honako gai hauek islatu beharko dituzte: Gabonak eta arkitektura edo hirigintza
- Marrazkiak honako txantiloi hauetan aurkeztu ahal dira: txantiloi bertikala edo txantiloi horizontala.  
- Marrazkiarekin batera, datu hauek jasotzen dituen dokumentu bat aurkeztu beharko da: 
  • Marrazkiaren izenburua
  • Parte-hartzailearen izen-abizenak
  • Jaiotze-urtea 
  • Posta-helbidea (parte-hartze oparia bidaltzeko)
  • Harremanetan jartzeko telefonoa zenbakia.
Epaimahaiaren aurrean anonimotasuna mantentze aldera, marrazkian bertan ezingo dira parte-hartzailearen izen-abizenak jarri.

- Lanak abenduaren 19ra arte (eguerdiko 12:00ak) aurkeztu ahal izango dira posta elektroniko bidez:  komunikazioa@coavngipuzkoa.eus. Gaian hauxe jarri beharko da: Gabonak / Navidad 2022 + marrazkiaren izenburua
- Marrazkiak .jpg edo .pdf  formatuan  aurkeztu ahal izango dira.
- Kategoria bakoitzean bi sari egongo dira, marrazketa, idazketa eta/edo eskulanetako materialez osatua.
- Parte-hartzaile guztiek opari bat jasoko etxean, soilik parte hartu izanagatik.
- Pertsona bakoitzeko marrazki bat bakarrik onartuko da.
- Abenduaren 23an irabazleen izen-abizenak argitaratuko dira webgunean.
- Epaimahaia Gipuzkoako EHAEOren kideek osatuko dute.
- Lehiaketara aurkeztutako marrazkiekin erakusketa bat egingo da Gipuzkoako EHAEOren egoitzaren sarreran.
- Sari-banaketa ekitaldia abenduaren 29an egingo da Gipuzkoako EHAEOren egoitzan.

Epaimahaia Gipuzkoako EHAEOren Zuzendaritza batzordeko kideek osatuko dute, eta sariak emateko garaian kalitatea, ideia eta parte-hartzaileen adina hartuko du kontuan. Bestalde, kategoria desberdinetako saridunen artetik, marrazki bat hautatuko da Gipuzkoako EHAEOk Gabonak zoriontzeko erabiliko duena.

Gipuzkoako EHAEOk lurralde- eta hiri-ereduaren inguruko hausnarketa- eta eztabaida-ziklo bati emango dio hasiera, Loiolako kuartelen inguruko jardunaldi batekin

Berriak - 2022ko azaroaren 18an, ostirala - 0 Iruzkinak

  • Topaketa azaroaren 24an 18:30ean izango da Gipuzkoako EHAEOren egoitzan eta Ekain Jiménez, Fernando Bajo eta Mario Domínguez arkitektoek parte hartu dute
  • Sarrera doakoa da eta herritar guztiei dago irekita, baina aurretik izena ematea ezinbestekoa izango da

Euskal Herriko Arkitektoen Elkargo Ofizialeko (EHAEO) Gipuzkoako ordezkaritzaren Kultura | Gizartea batzordeak Gipuzkoako lurralde- eta hiri-etorkizunaren inguruko hausnarketa- eta eztabaidarako ziklo bati emango dio hasiera. Lehenengo jardunaldia datorren azaroaren 24an, ostegunean, 18:30etik aurrera izango da, Gipuzkoako EHAEOren egoitzan (Frantzia pasealekua, 11 – Donostia). Lehen topaketa honetarako aukeratutako gaia Loiolako Kuartelak izango da eta horretarako, Ekain Jiménez, Fernando Bajo eta Mario Domínguez arkitektoen hitzaldiak izango dira. Ondoren, Oihana Santolaria arkitektoak moderatutako eztabaida egongo da. Sarrera doakoa da eta herritar guztiei dago zabalik, baina lekuak mugatuak direnez, aurretik izena ematea beharrezkoa da.

“Loiolako Kuartelak LO04. gunea” Gipuzkoako hiriburuan kokatua dago eta egoera ugarik baldintzatu dute haren etorkizuna. Gai honekin zabalduko da hausnarketa- eta eztabaida-ziklo hau. Gai polemiko eta gaurkotasun osoko honetatik abiatuta, beste eremu batzuetaera estrapola daitezken eta hausnarketa sakona merezi duten beste gai interesgarri ugari mahai gainean jarriko dira.

Ekain Jiménez, Fernando Bajo eta Mario Domínguez arkitektoak arduratuko dira eztabaidaren planteamenduaz ikuspegi tekniko batetik, eta gai hauek landuko dituzte, besteak beste: lurzoruaren kudeaketa, eraikinak katalogatzeko eskumenak, eraikinak bihurtzeko aukerak eta eraikuntza- eta proiektu-mailako erabilera-aldaketak, hirigintza-kudeaketako eragozpenak eta Urumea ibarreko uholde-arriskuaren problematika. Azalpenaren ondoren, hizlarien eta bertaratutakoen arteko eztabaida sustatuko da, Oihana Santolaria arkitektoak moderatuko duena.

Topaketa hau 2023. urtean zehar egingo diren beste askoren artean lehena izango da.

 

Euskaraldia, Euskararen Eguna eta argazki lehiaketa

Berriak - 2022ko azaroaren 17an, osteguna - 0 Iruzkinak

Azaroaren 18tik abenduaren 2ra Euskaraldiari egingo da eta Gipuzkoako EHAEOtik  parte hartzera animatu nahi zaituztegu.  Hori horrela, bihartik aurrera Belarri prest edo Aho biziren txapa soinean eraman eta animatu euskaraz hitz egitera, Euskaraldiko leloak dioen bezala, hitzez ekiteko garaia baita.  

Izen-ematea oraindik zabalik dago, beraz, oraindik egin baduzu hementxe duzu aukera! Aukeratu zure rola eta eskuratu txapa!

 

 


Argazki-lehiaketa

Bestalde, Arkitekturaren eta hirigintzaren esparruan  euskara sustatzeko eta pasa den urteko argazki lehiaketari jarraipen bat emateko helburuarekin, aurten ere argazki-lehiketa bat jarriko dugu abian elkargokide, langile eta hauen senitartekoentzat. Aurtengoan, parte hartzaileek arkitektura edo hirigintza euskaraldiarekin uztartzen dituzten irudiak bidali beharko dituzte. Hau da, irudietan txapen irudiak, banderatxoak... agertu beharko dira. 

 

Irudiak posta elektroniko bidez bidali beharko dira komunikazioa@coavngipuzkoa.eus helbidera abenduak 2 bitartean. Irudiak jasotzen ditugun heinean Gipuzkoako EHAEOren Instagrameko kontuan argitartuko ditugu. eta   abenduaren 3an, Euskaren Nazioarteko Egunean, irabazleen izenak emango ditugu ezagutzera. Hiru sari egongo dira jokoan: 
 

 

  • Lehenengo saria: 4 pertsonentzako afari edo bazkaria + liburu sorta
  • Bigarren saria: Quarón 60 € gastatzeko bonoa + liburu sorta
  • Hirugarren saria: Liburu sorta

Jasotako argazki guztiekin, erakusketa bat egingo dugu Elkargoan.

OINARRIAK

Gipuzkoako EHAEOk elkargokideek aurkeztutako lankidetza eta garapeneko proiektuak laguntzeko 3.000 € emango ditu

Berriak - 2022ko urriaren 24an, astelehena - 0 Iruzkinak

 

Aurten ere Gipuzkoako EHAEOk Lankidetza Garapeneko proiektuak laguntzeko deialdia zabaldu du. Guztira, 3.000 €ko laguntza emango diut elkargokideek aurkezten dituzten  proiektu bat edo gehiago finantzatzeko.

Aurkezten diren proposamenak arkitektura, etxebizitzak, azpiegiturak, nekazaritza, ingurumena, hiri-garapena, landa garapena… bezalako gaiak aintzat hartuko ditu, eta ingurumena errespetatzen duten eta sustatzen duten lekuko garapen ez dependientea, parte-hartzailea eta jasangarria sustatzen duten proiektu integralak izan beharko dute. Halaber, proposamenek emakumeen eta gizonen arteko berdintasun eza ekiditeko, batik bat ingurune zaurgarrietan, berariazko ekintzak proposatu beharko dituzte.  

Proposamenak aurkezten dituen pertsonak, ezinbestean  Gipuzkoako EHAEOko elkargokidea izan behar du.  Proiektua garatuko duten erakundeek ezingo dituzte zuzenean proposamenak aurkeztu.  

Proposamenak aurkezteko, oinarrietan txertatuta dagoen txantiloia bete behar da eta Idazkaritzara bidali posta elektroniko bidez: idazkaritza@coavngipuzkoa.eus

Eskaerak aurkezteko epea 2021eko azaroaren 18an amaitzen da

Gipuzkoako EHAEOk ondare eraikiaz gozatzeko birgaitzearen beharra aldarrikatuko du, eta, aldi berean, Mugimendu Modernoaren arkitektura balioan jarriko du

Berriak - 2022ko irailaren 28an, asteazkena - 0 Iruzkinak

Urtero legez, urriko lehen astelehenean Arkitekturaren Nazioarteko Eguna ospatzen da, eta Gipuzkoako EHAEOk ez du hitzordura huts egin nahi izan. Aurtengo egitarauarekin eraikitako ondarea birgaitzeko beharra aldarrikatu nahi du Gipuzkoako EHAEOk, arkitektura gozatu eta bizitzeko eta pertsonen bizitza hobetzeko. Aldi berean, 1935 eta 1965 urteen artean eman zen Mugimendu Modernoaren arkitektura nabarmendu nahi du. Beraz, aurten bi jarduera antolatu dira egun hau ospatzeko: Pablo Zabalo donostiar arkitektoak egin eta Fernando Ruiz Lacasa arkitektoak birgaitu duen eraikin arrazionalistari buruzko bideo mapping proiekzioa, Donostiako Ramón María Lili kaleko 8 eta 9an kokatua dagoena. Beste jarduera Zarauzko Vista Alegre dorrean DOCOMOMO plaka bat jartzea izango da, Juan Manuel de Encío Cortazar eta Luis Peña Ganchegui arkitektoek egina.


Urriak 3 eta 4ean 21:30 eta 23:30ak artean bideo mapping proiekzio bat emango da Donostiako Ramón María Lili 8 eta 9 zenbakietan kokatua dagoen eraikinean (Equitativa ondoan). Eraikin arrazionalista garbia da, Pablo Zabalo donostiar arkitektoak diseinatu zuena 1935ean, baina gerra zibilaren ondorioz ezin izan zen 1952ra arte bukatu. 2020an, Fernando Ruiz Lacasa arkitektoa arduratu zen eraikinaren birgaitze energetikoaren esku-hartzeaz, Kursaal Taldearen partaidetzarekin. Proiekzio horren bidez, eraikin enblematiko honen historia kontatuko da, oso modu ikusgarrian: obraren hasieratik 1930eko hamarkada aztoratuan aurre egin behar izan zitzaien egoeratatik abiatuta, 2021ean amaitu zen birgaitze-obraren esku-hartzeraino. Arrakasta kasu bat, non ondarearen mantentzea bat datorren eraikinaren birgaitzearekin, energia-hobekuntzarekin erabilera erosoagoa eta jasangarriagoa lortuz eraikinaren erabileentzako. (Ezagutu eraikinaren historiaren xehetasunak Fernando Ruiz Lacasak idatzi duen artikulu honetan).

IKUSI TRAILERRA.

Ángel Sandimas artista nafarrak egin du ikus-entzunezko ekoizpena, 20 urte baino gehiago daramatzanak nazioarteko animazio digitaleko proiektuetan lanean, eta sari eta izendapen ugari jaso dituenak. Besteak beste, Moskuko Circle of Light nazioarteko jaialdirako egin zuen bideo-mapping proiektua azpimarratu daiteke, edota Iruñeako Udalarentzat egin zuen Le Souvernir d’AVA, beste askoren artean (ikusi bere ibilbidea www.angelsandimas.com-en).

Proiekzioak arrakasta izan dezan eta herritarrek ikuskizunaz gozatzeko aukera izan dezaten, hiriko argiak itzali eta Ramon Maria Lili pasealekuko trafikoa itxiko da emanaldiak irauten duen bitartean. Ikuskizunaz gozatzeko lekurik onenak Argentinako Errepublika pasealekua (Maria Cristina hotelaren eta Victoria Eugenia antzokiaren artean) eta Santa Katalina zubia izango dira.

Proiekzio hau Arkitekturaren Nazioarteko Egunaren eta Gipuzkoako Foru Aldundiak antolatzen dituen Ondarearen Europako Jardunaldien barruan kokatzen da. Kursaal Taldearen babesa ere jaso du.


 

DOCOMOMO plaka Zarautzen
Gipuzkoako EHAEO Arkitekturaren Nazioarteko Eguna DOCOMOMO plaka bat jartzen hasiko du, Zarauzko Vista Alegre Dorrea etxebizitza-eraikinean. Luis Peña Ganchegui eta Juan Manuel de Encío Cortázar gipuzkoar arkitektoek egin zuten, 1958an. Mugimendu Modernoaren adibide argia, eraikin hau oso nabarmena izan zen garai hartan. Ekitaldia 12:00etan hasiko da eraikin berean, eta hauek parte hartuko dute: Juana Otxoa-Errarte, Gipuzkoako EHAEOren lehendakaria; Luis Peña Gancheguiren eta Juan Manuel de Encío Cortazarren senideak; Archivo Luis Peña Ganchegui kultur elkartea, eraikinaren azalpena emango duena, eta eraikineko bizilagunak. María Zubimendi eta Garazi Navas musikariek girotuko dute ekitaldia. Doakoa izango da eta herritar guztiei irekita dago, baina toki-kopurua mugatua da; beraz, aldez aurretik izena eman beharko da Gipuzkoako EHAEOren web orrian. IKUSI ERAIKINAREN INFORMAZIO XEHEAGOA.

 

DOCOMOMO fundazioa ‑Documentation and Conservation of building, sites and neighbourhoods of the Modern Movement (Mugimendu Modernoko eraikin, ingurune eta auzoen Dokumentazioa eta Kontserbazioa)‑ 1990. urtean sortutako nazioarteko erakunde bat da eta bere helburu nagusia da XX. mendeko arkitektura modernoko ondarea inbentariatzea, dibulgatzea eta babestea. 1993an DOCOMOMO Ibérico filiala sortu zen, beste erakunde batzuekin batera, Espainia eta Portugalen lan egiten duena DOCOMOMOren helburu berdinekin.

 

Hiri eta Komunitate Jasangarrien I. Sarietako irabazleak baditugu jada

Berriak - 2022ko irailaren 05an, astelehena - 0 Iruzkinak

Gipuzkoako EHAEOren Jasangarritasun batzordeak, Habic-en (Euskadiko Ekipamenduaren, Altzarien eta Diseinuaren Klusterra) laguntzarekin, Hiri eta Komunitate Jasangarrien Sarien lehen edizioa jarri zuen abian ekainean. Helburua:  parkitektura-lanak eta arkitektoen jarduera profesionalarekin zerikusia duten edozein motatako lanak saritzea, baldin eta lanbidean helburu jasangarriak sartzen badituzte eta Garapen Iraunkorreko Helburuen (GJH) xede eta xedeekin bat egiten badute.

Pasa den astean elkartu ziren epamahaiko kideak eta proiektu irabazleak zeintzun ziren ebatzi zuten:

  •  GIZARTE MODALITATEA (10 GJH): 

Proiektu irabazlea: OPENBIKE
Egileak: Iñaki Albistur Martín eta  Raquel M. Ares Joana (Arquimaña Materiales y Arquitectura S.L)

  • INGURUGIRO MODALITAEA (12 GJH):

Proiektu irabazlea: Etxebizitza eraikin batean irisgarritasuna hobetzea (Mejora de la accesibilidad en edificio de viviendas)
Egileak: Haritz San Francisco Lasa eta Estanislao Fernández Narbaiz

Aipamen berezia: Energia positiboko eraikinen diseinuaren inguruko ikerketa (Investigación sobre el diseño de los edificios de energía positiva)
Egilea: Xabier Barrutieta Basurko (Barru Arkitektura SLP eta Euskal Herriko Unibertsitatea)

Garapen Jasangarrirako 2030 Agendari egiten dion ekarpenaren esparruan antolatu dira sari hauek. Asmoa da urtero, 2022 eta 2030 artean deituko dira sariak, eta edizio bakoitzean 17 GJHetako 2ri lotutako bi lan sarituko dira. Halaber, deialdi guztietan zeharkako gai komun bat egongo da: 11. GJH Hiri eta komunitate jasangarriak, sarketa honi izena ematen diona.

2022ko EHAEO Sarien erakusketa Gipuzkoara iritsi da!

Berriak - 2022ko uztailaren 29an, ostirala - 0 Iruzkinak

 

Euskal Herriko Arkitektoen Elkargo Ofizialak 2022an eman dituen sarien proiektuen erakusketa egokitua ikusgai izango da EHAEOren Gipuzkoako egoitzan. Zehazki, modalitate desberdinetan saritutako 12 proiektu sarituak eta Administrazio Publikoaren zerbitzurako arkitektoaren aintzatespenak jasotzen dira erakusketa honetan. 

Erakusketa herritar guztientzako egongo da zabalik eta Donostiako egoitzaren aretoan bisitatu ahalko da irailaren 15a arte honako ordutegian: 
 

Astelehen-ostirala:  9:00-14:00
(Aste Nagusian 13:00ak arte). 

TODA LA INFORMACIÓN SOBRE LA EXPOSICIÓN

Liburutegiaren itxiera oporrak direla eta

Berriak - 2022ko uztailaren 22an, ostirala - 0 Iruzkinak

 

Gipuzkoako EHAEOren liburutegia itxita egongo da abuztuaren 1etik 19ra oporrak direla eta. Gainontzeko egunetan, eta irailak 15 arte, hau izango da da ordutegia:

Astelehenetik ostiralea 9:00etatk 14:00etara.

Bestalde, elkargokideei gogorarazten zaie dagoeneko 2022ko EHAEO Sarien liburua jaso dezaketela liburutegian.

Azkenik, hementxe uzten dizkizuegu zenbait gomendio oporretan irakurtzeko, guztiak maileguan eramateko moduan daudenak:

 

 

 

 

 

 

 

 

 IKUSI BIDEOA

Aprobetxatu azken egun hauek zure maileguak egiteko!

KONTSULTATU KATALOGO OSOA

Informazio gehiagorako, jar zaitez harremanetan liburutegiarekin:

liburutegia@coavngipuzkoa.eus

Tel.: 943 320 194

1-tik 8-ra guztira: 268

Agenda


Hurrengo ekitaldiak

12 - 01

Etengabeko trebakuntza: Archicad. BIM diseinua arkitekturan Lekua: Gipuzkoako EHAEO. Frantzia pasealekua, 11 - Donostia Ordua: 9:00-14:30 2022ko abenduaren 01an, osteguna

12 - 01

Egoiliarren biltzarra. COAVN Gipuzkoa Lekua: EHAEO Gipuzkoa. Frantzia pasealekua, 11 - Donostia Ordua: 17:30 / 18:00 2022ko abenduaren 01an, osteguna

12 - 02

Etengabeko trebakuntza: Segurtasun eta osasun koordinatzailearen figura eraikuntza obran Lekua: Streaming zuzenean Ordua: 9:30 - 13:30 2022ko abenduaren 02an, ostirala

Twitter